नेपाली कांग्रेस अर्घाखाँचीको बैठक सन्धिखर्कमा जारी

कमला  पोख्रेल

सन्धिखर्क २७ कात्तिक । नेपाली कांग्रेस जिल्ला कार्य समिति अर्घाखाँचीको विस्तृत बैठक विपि स्मृति भवन सन्धिखर्कमा जारी छ । 

आज देखि सुरु भएको बैठकमा पाटीले आगामी दिनमा खेल्नु पर्ने विषयमा जिल्ला सदस्य तथा जिल्ला पदाधीकारीहरुले आआफ्नो धारणा राखिरहेका छन । बोल्ने क्रम नसकिएकोले बैठक भोलि पनि बस्ने र पाटीले गर्ने प्रशिक्षण कार्यक्रमका बारेमा निर्णय गर्ने जिल्ला सदस्य माधव प्रसाद पौडेलले बताउनु भयो । 

बैठकमा नेपाली कांग्रेसका केन्द्रिय सदस्य मानबहादुर बिक, पुस्पा भुसाल , जिल्ला समन्वय समितिका प्रमुख पिताम्वर शर्मा, स्थानीय सरकारका प्रमुखहरु शितगंगा  नगरपालिकाका प्रमुख सुर्य प्रसाद अधिकारी, पाणिनि गाँउ पालिकाका प्रमुख अच्युत गौतम, छत्रदेव गाँउपालिकाका प्रमुख लेखनाथ पोख्रेल, भुमिकास्थान नगरपालिकाका उपप्रमुख खडानन्द वेल्वासे लगायतको पनि सहभागीता रहेको छ । 

बैठक नेपाली कांग्रेसका जिल्ला सभापति विष्णु खनाल मुस्कानको सभापतित्व र सचिव विष्णु भुसालको सञ्चालनमा बसेको हो ।  

पुरा पढ्नुहोस्

अर्घाखाँचीको ढिकुरा गाविसमा गोली लागेर एक जनाको ज्यान गयो

प्रेम आचार्य
  अर्घाखाँची २७ चैत । अर्घाखाँचीको ढिकुरा गाविसमा गए राती भरुवा बन्दुकको गोली  लागेर एक जनाको ज्यान गएको छ ।

  ढिकुरा गाविस वाड न. ७ चरेपानीमा भरुवा बन्दुकको गोली  लागेर स्थानीय १८ बर्षिय केस बहादुर तंगनामी मगरको ज्यान गएको जिल्ला प्रहरी कार्यलय अर्घाखाँचीका प्रहरी नायव उपरिक्षक नव रत्न पौडेलले बताउनु भयो ।

स्थानीय अन्दाजी  ३५ बर्षिय डेम बहादुर गुरुंगले बोकेको बन्दुकको गोली लागेर घटनास्थलमै मगरको ज्यान गएको हो । बन्दुक चलाउने गुरुंग का सबै परिवार फरार रहेका छन ।

  घटना घटेको थाहा पाए लगत्तै रातीनै जिल्ला प्रहरी कार्यलय अर्घाखाँचीका प्रनाउ पौडेलको नेतृत्वमा टोली घटनास्थलमा पुगि अनुसन्धान र खोजी कार्य गरिरहेको छ ।
फरार रहेका गुरुंग सपरिवारको  खोजी भै रहेको र घटना कसरि भयो भन्ने वारेमा अनुसन्धान भै रहेको जिल्ला प्रहरी कार्यलय अर्घाखाँचीले बताएको छ । 

पुरा पढ्नुहोस्

अर्घाखाँची कोरिया सम्पर्क मन्चको भेला बिबिध निर्णय गर्दै सम्पन्न

प्रेम आचार्य

अर्घाखाँची / कोरिया । अर्घाखाँचीबाट रोजगारीकोलागि कोरिया गएका युबाहरुको छाता संगठन अर्घाखाँची कोरिया सम्पर्क मन्चको भेला कोरियामा सम्पन्न भएको छ । 

 अर्घाखाँचीबाट रोजगारीकोलागि कोरिया गएका युबाहरुको छाता संगठन अर्घाखाँची कोरिया सम्पर्क मन्चको भेला पछि सामुहिक तस्बीर खिच्दै सहभागीहरु ।

 

 

 जिल्लाबासीहरु एक भई परेका समाधान गर्न र रोजगारी तथा अन्य कार्यमा परेका अफ्ठेरा कामको समाधान गर्नका लागि गठन भएको मञ्चको भेलाले अध्यक्षको कार्यभार उपाध्यक्ष बाबुराम आचार्य र सचिब को काम फर्सु राम पौडेल लाई जिम्मेवारी दिएको छ । 

भाग्यशाली उपहार योजनाको प्राप्त आम्दानि को चालीस लाख वन रकम बार्सिक १० प्रतिसत ब्याजदर र  एक जनाले दस लाख वन ऋण तीन महिनाको अबधिको लागि लिन पाउने निर्णय गरेको  कोषाध्यक्ष भरत पान्डेले बताए । 

 अध्यक्ष सचिव लगाएत केही पदाधिकारी केही महिनाको लागि घर जाने भएकाले अध्यक्षको कार्यभार उपाध्यक्ष बाबुराम आचार्य र सचिब को काम फर्सु राम पौडेल लाई जिम्मेवारी दिने निर्णय भएको कार्यबाहक अध्यक्ष बाबुराम आचार्यले बताएका छन । 

  खेलकुद समन्धी कार्यक्रमको लागि बाबुराम आचार्य लाई सम्योजक को जिम्मेवारी दिएको छ । त्यस्तै बैठकले  अर्घाखाँची बाट पिएचडी गर्न कोरिया गएका डेबिट बश्याल लाई सल्लाहकार समितिको सदस्य र कार्यसमिति को सदस्य मा अरुन सेजवाल , मेघराज खनाल र टिकाराम पोखरेल लाई मनोनीत गरेको छ । 

पुरा पढ्नुहोस्